Ҷамъбасти марҳилаи 4-уми омӯзишҳои усули “Тарҳи инсонмеҳвар” дар доираи лоиҳаи "Мактабҳои 2030"

13 -17 ноябр, дар доираи лоиҳаи “Мактабҳои 2030” Фонди Тоҷикистонии Оғохон марҳилаи 4-уми омӯзишҳои усули “Тарҳи инсонмеҳвар” (HCD)-ро бо иштироки 400 омӯзгорони зинаи таҳсилоти томактабӣ, ибтидоӣ ва миёнаи умумӣ дар шаҳри Душанбе, вилоятҳои Хатлон, Суғд ва ноҳияҳои тобеи марказ баргузор намуд.

Мақсади марҳилаи мазкур ин фароҳам овардани имконият ба омӯзгорон барои пешниҳоди намунаҳои аввал ва ба даст овардани фикру мулоҳизаҳои зарурӣ аз роҳбаладон ва шарикони омӯзиш буд.

Ин марҳила як таҷрибае муҳиме буд, ки ба омӯзгорон имконият дод то фаҳманд, ки роҳҳали таҳиякардаи онҳо то чӣ андоза дар ҳал кардани мушкилоти муайянкардаи онҳо дар баланд бардоштани сифати таҳсилоти хонандагон тавассути маводҳои камарзиш ва дастрас мусоидат мекунад.