Фароҳам овардани шароити мусоиди таълимӣ дар муассисаҳои барномавӣ

Рӯзҳои 13-18 январи соли 2024 тақсимоти маводи таълимӣ дар доираи лоиҳаи "Мактабҳои 2030" дар шаҳри Хуҷанд, Бохтар, Кулоб ва Душанбе дар доираи ташаббуси "Мактабҳои 2030" баргузор гардид.

Дар тақсимоти расмӣ Мудирони шӯъбаҳои маорифи вилоятҳои Суғду Хатлон, шӯъбаҳои маорифи ноҳияҳо, намояндагони Донишкадаи такмили ихтисос ва бозомӯзии омӯзгорон, Маркази таълимоти иловагӣ, роҳбари лоиҳа ва кормандони "Мактабҳои 2030", директорони мактаб ва омӯзгорони барномавӣ иштирок намуданд.

Дар маросими тақсимот таҷҳизоти техникӣ ва маводи таълимӣ аз он ҷумла телевизор, проектор, компютер, микраскоп, плакатҳо, ҷевонҳои синфӣ, тахтаи синфӣ, китобҳои дарсӣ ва дигар ҷиҳози хониш ба муассисаҳои барномавӣ таъмин карда шуд.

Дар натиҷаи ин ташаббус 150 муассисаҳои таҳсилоти барномавии лоиҳавӣ - дар вилояти Суғд (32 мактаб), вилояти Хатлон (78 мактаб) ва НТМ (40 мактаб) бо маводи техникӣ, лабораторӣ, омӯзишӣ ва дигар таҷҳизоти таълимӣ таъмин гардиданд.

Чунин иқдом яке аз беҳтарин роҳҳо дар баланд бардоштани сифати таълиму тарбияи хонандагон ва дастгтрии омӯзгорон ба ҳисоб меравад.