Гузариш аз сатҳи мактаб ба система дар доираи ташаббуси «Мактабҳои 2030»
Гузариш аз сатҳи мактаб ба система дар доираи ташаббуси «Мактабҳои 2030» дар Тоҷикистон тавассути дастгирии Донишкадаи ҷумҳуриявии такмили ихтисос ва бозомӯзии кормандони соҳаи маориф.
Бо мақсади татбиқи ҳадафҳои “Стратегияи миллии рушди маорифи Ҷумҳурии Тоҷикистон барои давраи то соли 2030” ва рақамикунонии такмили ихтисос имкониятҳои мавҷуда самаранок истифода мегарданд. Бо ин мақсад имрӯз, дар Донишкада дар ҳамкорӣ бо лоиҳаи “Мактабҳои 2030” таҷҳизотҳои зерин: 10 адад телевизор, 1 адад сервер, 13 адад кронштейн, 6 камера Logitech, 13 адад ноқили HDMI 5-7 ва 1 адад кондитсионер ворид карда шуданд.
Дар маросими супоридани таҷҳизотҳо Абдулзода Зиёдулло Назар-муовини вазири маориф ва илм, Мирзозода Наврӯз - ректори Донишкадаи ҷумҳуриявии такмили ихтисос ва бозомӯзии кормандони соҳаи маориф, намояндагони Фонди Тоҷикистонии Оғохон ва лоиҳаи "Мактабҳои 2030" Абдулалишоев Кишвар, Ҳамдамов Ҷавлон ва Саидошуров Шералӣ иштирок ва суханронӣ намуданд.
Ҳадаф аз рушди ҳамкориҳо дар низоми такмили ихтисос ин пеш аз ҳама рақамикунонии низоми такмили ихтисоси омӯзгорон мебошад.
