Форуми ҷумҳуриявии «Омӯзгори навовар» дар доираи лоиҳаи «Мактабҳои 2030»

Рӯзҳои 30-31 май дар шаҳри Бохтар ташаббуси Фонди Тоҷикистонии Оғохон “Мактабҳои 2030» дар ҳамкории зич бо Вазорати маориф ва илми Ҷумҳурии Тоҷикистон Форуми ҷумҳуриявии «Омӯзгори навовар»-ро баргузор намуданд. Рӯзи 30 май 28 омӯзгор аз 100 мактаби чаҳор минтақаи кишвар барои баҳогузории Кумитаи арзёбӣ тарҳҳои педагогии инноватсионии худро муаррифӣ намуданд. Рӯзи 31 май дар маросими супоридани ҷоизаҳо бо роҳбарии муовини вазири маориф ва илми Ҷумҳурии Тоҷикистон, муовини раиси вилояти Хатлон, Сарраёсати маорифи вилоят бо иштироки дигар ҷонибҳои манфиатдор, аз ҷумла зиёда аз 700 нафар омӯзгорон, барҷастатарин роҳҳалли инноватсионии таълимӣ интихоб карда шуданд. Инчунин лоиҳаи беҳтарини педагогӣ, ки дар форуми ҷаҳонии дарпешистодаи «Мактабҳои 2030» дар Португалия Ҷумҳурии Тоҷикистонро муаррифӣ менамояд, муайян карда шуд. Дар чорабинӣ равиши табдилдиҳии Мактабҳои 2030, ки ба пешбурд ва такрори навоварӣ дар мактабҳои давлатӣ дар саросари Тоҷикистон нигаронида шудааст, таъкид гардид.